What does the coronavirus feel like?

Agandi! Okutana n’abandi abumurikuhurira aha, nkyebeize kandi nashanga nyine akakooko ka Corona Virus 19. Nyine kuba nakatungire ebiro byokwezi 3/3/2020, naija narwara hahwireho esaabiiti emwe, kwonka ebyarugire omukwekyebeza omubutongore nabitunga eriizoba 17/3/2020.

Senyiga egyi eya corona, niyo senyinga erikusingayo kuteganisa eyinaratungire. Nkahurira nk’omushwija, ogaitsireho ekitengo, kugira ngu nobwokuba ojwiire eshweeta ishatu, amiino nigaguma nigahondana ahabw’ekitengo ekyo.  Ndi omunyamugisha okutwariza hamwe, ahabwokuba omuriro gwangye tiguragiire ahaiguru ya diguri 109 eza bureijo, kwonkwa nabwe, nkahurira omubiri gwangye guri nkoguri kutsya. Kandi ekyindi, nkagiramu okuhurira omumutwe ekintu ekinakubaasa kushoborira nk’ekikuremeera, narishi senyiga erikureetera okwehindura kwomubiri gwaba omurimo gugumire munonga.

Ahanyima y’ebiro bikye, nkatunga orukoro orubi. Konkan abwe ndi omunyamugisha ahabwokuba tihabaireho okushaasha ekifuba, nainga okwitsya kubi ebyakureeteire naaza omu irwariro.

Ekyetengo ky’ebyokurya nakyo kiri nk’ekitariho – Bureijo ngi omuri wamaani, kwihaho n’omubiro bikye ebihwire obumbiire ntakurya ekintu kyona. Kwonka nabwe n’ekyamaani, kandi nimbasa kurya ebyokurya omumihendo mikye.

Ekyomugisha omuringi mbaasize kutamba obubonero bw senyiga egi, ndikumira ebijuma ebibakweta Tylenol, kandi embeera yangye eriyo n’etereera. Ekibi munonga nambwenu nokushanga ndemiire omuka ndikuhurira ndweire, ntine namaani g’okukora ekyintu kyona okwihaho okusiiba nshitami ndikukorora.

Nk’okunaaba naagambire, ndi omwe aha banyamugisha: Okurugirira aha bashaho, ninza kuba nintereera omusaabiiti erikwija.

Konka kugambaamazima, bantumwe: Akakooko aka kariho. Tokukeetaga. Kandi tokweetaaga kuba niiwe wakaturiza omuntu ondiijo.  Abaingi omuriimwe nobaasa kushanga mwakatungire nobumwakuba mutiine bubonero bwako. (Nkakatunga kumara esaabiiti emwe ntakatandikire kurwaara). Musigare omuka kandi munaabe engaro zanyu bureijo!

OKUTEREEZAMU: Nimpamya ngu baingi omurimwe nimwebuuza okunayekyebiize. Nkakimanya ngu omwe aha baheereza aha mweoreko gumwe akaba yayekyebiize kandi yashanga akiine. Ahabwokuza omumuhanda gwakakooko ako mungonga, ogaitsireho n’okugira ngu nkaba naatumgire obubonero bwakakoko ako kandi ntaine senyiga, nkaikirizibwa kwekyebeza akakooko aka Covid – 19. Tinkutekyereza ngu ekyi kihikire, kwonka hanu omuri Newyork, nikwe bariyo nibakikora.

Ekyindi: Nyine emyaka 47, ndi omumbeera eza buriijo tnkatungaga okurwara okundi kwona.

Original Post https://www.quora.com/What-does-the-coronavirus-feel-like/answer/Leon-Chase-3?ch=8&share=c87fede2&srid=hriBJ  by  Leon Chase, Movie Person. Video Editor. Chronic Autodidact. New Yorker

Translated into Runyankole by Onan Akoragye